اسمنا الغيث ياجفت مشاريبه
[ALIGN=CENTER]احبابي
اقدم لكم قصيدة لاول مرة تنشر وهي لشاعر مبدع
وشاعرنا هو
(سعد بن ضافي بن محمد الغيثي الشمري )[/ALIGN]
[poet font="Arabic Transparent,4,sandybrown,normal,normal" bkcolor="transparent" bkimage="backgrounds/15.gif" border="solid,10,deeppink" type=2 line=200% align=center use=ex length=0 char="" num="0,black" filter=""]
ثارت الماطلي من عقب تزهيبه=بان في جبهة النيشان مضرابه
لانتخيناء بسلمى يوم نرميبه=صات صوته صفير وصفقته صابه
طاب طخه وطلنا طابه وطيبه= وطبطبت واستطبت فوق طبطابه
الهدف يوم امده لازم اصيبه= يوم ولد الجبان تخونه اعصابه
بينن مثل اجاء والكل يدريبه= ماتعودت ادلبح من ورى الغابه
لاعجب من الركيب متعبت نيبه=هم عماد الجبل ومفتل اطنابه
اسمنا الغيث ياجفت مشاريبه =نارنا بارق(ن) بالليل يسرابه
فعلنا واسمنا يازين تركيبه= لا رتكمنا دفعنا الشمس لغيابه
وان رعدنا سقينا القاع وشعيبه= وان رمينا الصواعق دمر شهابه
وان فعلنا فعلنا مانداريبه=والسوالف تتم اليا حكينابه
وان وقفنا تعلينا الجبل هيبه=وان قعدنا كسينا عالي هضابه
وان عطينا تصيب اهل الكرم خيبه=أفقر اخوان سلمى يهدي ثيابه
وان طلبنا العسير الشايك نجيبه=ساعة(ن) والعرب راحت ولاجابه
وان فتلنا الشوارب حزة مصيبه= نوفي الكيل مانبخس من احسابه
يوم سلمى لفو ربعي مناديبه=خبرو تنتخي وتطوح ثيابه
عقب ماهي دموعه غرقت جيبه= صار دمعه خرز لولو تباهابه
انشد ابن الرمالي عن تسابيبه= خوة(ن) ساسها محسن ومهذابه
واخو شاهه بعد ينشد عن الغيبه= من ثنى دون بيته ساعة غيابه
خلف فايد ومحسن نقطع الريبه =الحويطات قلي وش عملنابه
ثم نرجع على فعلاً نباهيبه= المناخ الـلــذي تعده صلابه
قال أمناء عربكم ساكب(ن) سيبه =وحط كفه بقدر البقل يرغابه
قالو ارحل ورد اللاه ياعيبه= ومامعه يوم نوخ غير مصلابه
رد شمر وصد الضد بالخيبه= وصار مفتاح قفل(ن) تصعب ابوابه
الله أكبر على ربعي حراريبه= زقرتي ياهنوف(ن) تنقش اخضابه
ماضي(ن) للركيب جددو طيبه= الف شكر(ن) لمنهو قام يسعابه
ورث أجدادنا علم(ن) نماريبه= والذيابه تموت وتولد ذيابه
ويسلم اللي سعى بلسانه وجيبه= الزعيلي وبن علي ومن ادلابه
الحميه بهم والعز والطيبه= والمراجل لها ربع(ن) تسمى به
اختصرت الديار اللي عواء ذيبه= والسلامو عليكم وانتهينابه
شعر
سعد الغيثي
[/poet]
تحياتي للجميع
