شكرا... صديقي

[poet font="Simplified Arabic,4,skyblue,normal,normal" bkcolor="black" bkimage="" border="none,4,gray" type=1 line=200% align=center use=ex length=0 char="" num="0,black" filter=""]


فتحت باب وطارت همومي أسراب=وزهور ماتت فاقده قطرة المي
وشباك ينخاني وهو كله عتاب=ياما حلم في غرفتي واختلا في
كرهت جدراني وتكذيب الأصحاب=ناسٍ مظاهرها تجي خدعة وغي
ومليت قصرٍ تحكمه عدة ألقاب=مليت أنا أكوي علتي داخلي كي
ناديت للحارس أبي يفتح لي الباب=أبي أودع عالمي وأترك الحي
قلت العفو وش فيك مشدود الأعصاب=طوّل يناظرني وهو داخله شي
تدرين حسنك عذب قلوب وألباب=واللي يشوفك ميتٍ لو بدا حي
ضحكت حيل وهو تبسّم ولا هاب=ماشاف همّي طاويٍ دنيتي طي
لا لا يغرك روج في مبسمي ذاب=أو الدفا يسرق من ظلوعي الفي
ولا لا يغرك عطر في داخل ثياب=ولا لا تغرك هيبتي كلها ذي
أدري جمالي ظالم مابعد تاب=وطاغي دلالي بالكرم فايقٍ طي
شكراً صديقي حارسي يكفي إعجاب=ماعاد بالدنيا ابد صاحب وخي
مابي تغرك ضحكة السن والناب=مابي تصدق ان (ساره) تجي (مي)
مع السلامه باتركك عند الأبواب=لا العشق في يدينك ولا كان في ايدي


ترحال

[/poet]