قصيده معروفه مشهوره وصية النصافي لابنائه مهلي وعلي ومسلم يقول :
قال من وصى عياله"="وده إلهم بالشكاله
خابرٍ راعي الرزاله"="بالمجالس تشنعه
يا امهلي شوف اخوانك"="شانهم من صوب شانك
عندما يزعل السانك"="عنهم الغيظ ادفعه
وانت ياعلي افتكر"="خل قولي لك ذكر
ربعة الطيب شكر"="والردي لاتتبعه
يامسلم وانا ابوك"="والعرب لو صاحبوك
مايسرك كود اخوك"="كل مايامر طعه
ياعيالي كلكم"="افطنوا في حلكم
التنازع ذلكم"="والتصافي منفعه
اجهدوا لله بطاعه"="واتبعوا راع الشفاعه
قبل يوم فيه ساعه"="عند ربي مرجعه
القصير امشوا ابحقه"="لو بدت منه المشقه
وان كثر بالقلب دقه"="طو بيتك واشلعه
مادواه الا مراحه"="في فراق السو راحه
لاتجازيه ابكباحه"="يوم ربه صرقعه
والخوي حقه عليكم"="تجعلونه من حديكم
كل شغله في يديكم"="لين ياصل مربعه
ان تمرجل كيّفوبه"="وان تردى عبروبه
لو يصير إلكم اعقوبه"="قصته بالمبلعه
والحمق يخر مضره"="يلحق العقيل شره
وان طرى راعيه مره"="قالوا الله يقطعه
والصبر عند البلاوي"="خير من كثر الشكاوي
لو تصيح ولو تلاوي"="مابغاه الله يصنعه
واحذروا حقر الفقير"="دعوته يمكن تصير
وادخل الله واستجير"="قبل يذرف مدمعه
التكبر للرخوم"="يحسبون اهم القروم
عندما يبدا اللزوم"="عشرهم نصف اربعه
والعدو لو زان باله"="انقلوا منه الحماله
لو مغط الكم حباله"="بغظكم يبقى معه
والصديق ابكل حال"="عند حظرات المجال
مدحكم عند الرجال"="كل ماجاه اشبعه
والصديق اليا نكركم"="مادواه الا ظهركم
وان خضعتوله حقركم"="صرتوا عنده مضفعه
والتمني مايفيد"="لو تزيده مايزيد
مثل بق طار من ايد"="بالهوى من يجمعه
والحلوف ابغير حاجه"="كلها ذنب وسماجه
واجد اللي باللجاجه"="دوم حلفه يمطعه
كم صبيٍ بالرخى"="ظنكم فيه الصخى
وان كربتوه ارتخى"="كل عذرٍ ياسعه
جاز من كل الصداقه"="والمحبه واللباقه
والسبب نفسه ارفاقه"="حتى الانه تضلعه
والمغفل يحسبنه"="دوم في نعمه وجنه
ماخذن دنياه ظنه"="لين بقعا تصقعه
ثم يقعد من منامه"="ملحقٍ نفسه ملامه
عقب ماشاف الندامه"="يوم هاك الكعكعه
والرجال ابهم فهيم"="لايضام ولايضيم
عندما يبدي حليم"="والحقوق امشرعه
راعي الصبر محمود"="لين مولمته تعود
ثم ينزل بالحدود"="والمطمن يرفعه
والرجال ابهم ثقيل"="كل عمره مايعيل
ونطمع فيهالجبيل"="دون حقه يصفعه
ان بغيته بالمروه"="شفت نو الخير نوه
وان بغيت الحق قوه"="طز عينك بصبعه
وان بلاك الله بعاقه"="من مقاريد الرفاقه
لا توريه الحماقه"="لين ربك يقلعه
خل شوفاتك بعيده"="عند نفخاته وريده
ثم عقبن لاتعيده"="السعه ثم السعه
كم صبي كل يوم"="يعتزي من غير قوم
وان تناطحت القروم"="مايداني الفرقعه
صايرٍ للشر سبه"="لين يلقى من يدبه
ثم يبرك للمسبه"="يوم جاه من اشبعه
والسفيه اليا نهيته"="عن طريقٍ مابغيته
لو تجره ماقويته"="والندى مايسمعه
راح في درب يضره"="وانت شورك مايسره
والله انك لو تجره"="مايبي غير اسنعه
والرجال ابهم كذوب"="مايهاب امن العيوب
لو يفجر مايتوب"="والخزا مايوجعه
والرجال ابهم صدوق"="في كلامه مايتوق
يفتهم كل الحقوق"="والكريم امسنعه
والرجال ابهم كريم"="لاخطر خلفت زريم
وان طرش قلبه سليم"="كل زادٍ يقنعه
والرجال ابهم بخيل"="لاخطر مده قليل
وان طرش ماله مثيل"="يشره الله ينزعه
والحريم ابهن طبايع"="فيهن التخميل ضايع
لو بهن عاصي وطايع"="كل الاكثر مندعه
النصاح ايبيننه"="والخمال ايد امدمنه
وان بغن دربٍ يجنه"="لو عليهن مسبعه
ثم فيهن من حبيبه"="رجلها تشهر ابطيبه
واهني منهي نصيبه"="لو متاعه سلوعه
وان طرش وابطى مراحه"="وامنن قلبه براحه
مايطيع اهل القباحه"="والجهل واللودعه
ثم فيهن شلبديه"="تاكل الطليان حيه
والدرى ماهي رديه"="مير ماجا تبلعه
رجلها لو جاب واجد"="عندها ماه ابياجد
ان سكت بالفقر ساجد"="وان تكلم تسبعه
ثم فيهن من تحوفك"="كنها تفرح ابشوفك
وان تبين فتق جوفك"="عرق قلبك تمصعه
تنصحك واهي العدوه"="وانت تحسبها احموه
لاتظن ابها مروه"="حبل وصلك تقطعه
لاتقول ان العجوز"="عن طبايعها تجوز
عند طاريهن تفوز"="تضحك ام الدعدعه
لو تصير ابزي ضبعه"="مالها بالعمر شبعه
كل مخلوقٍ وطبعه"="ضايعٍ من طبّعه
ثم فيهن من تعينك"="دايمٍ يدها بدينك
عندما ما مثل زينك"="لو عليك امرقعه
تفتهم حق الرجال"="عند زوجات الحلال
الدقاق امع الجلال"="كل شئ امبوضعه
ثم فيهن من تحلوى"="شرها يبلاك بلوى
لين بلحجه تعلوا"="في ثياب امطوعه
ولو تعطيها سدك"="وانت كتم السد ودك
تصبح الهرجه بضدك"="فالنداه امصلعه
ثم فيهن من تحبك"="واقشر ماتشوف جبك
والحمتها لو تسبك"="في جسدك امربعه
ان تكلمت افضحتك"="وان تغاظيت ارجمتك
وانت ساكت نتفتك"="نتف ريش القوبعه
بع قاصيها بداني"="زتها والعمر فاني
لاتحط ابها مثاني"="سو بيع امقلفعه
ثم فيهن غشمريه"="صايبه واجادعيه
عند ضحكات الثنيه"="من يجيها تلقعه
السفيه اليا نظرها"="دايمن يهث بثرها
وان بغاها ماقدرها"="بس يلهث مدلعه
مايطيع اهل النصيحه"="لو لبس ثوب الفضيحه
ولا اعضاه ابمستريحه"="والعيوم امولعه
والذهين اليها عرفها"="كف روحه من ظرفها
جاز منه ماخرفها"="لو تكون امهينعه
ثم فيهن من وثيق"="سدها سدٍ غريق
مالنا سدها طريق"="قولها ماتطلعه
سدها مثل الامانه"="عند رجالٍ تكانه
مايهوجس بالخيانه"="رابحٍ من ودعه
ياعيالي جعلكم"="يبعث اسمى فعلكم
النصاح اطيب لكم"="والردى به خرفعه
امنوا ترى النيه"="مثل ماقالوا مطيه
لاتصير ابكم رديه"="في محول او زلوعه
الضعيف اليا نصاكم"="لاتشحون ابعطاكم
في رجا الله ثم رجاكم"="كل ماجاه اقنعه
والعطا ماهو بالله"="كوبتن كثره وقله
ضايعٍ راعيه ضله"="ضاع والله ضيعه
افهموا قول المجرب"="مابغا وقتٍ يطرب
باقي الدنيا تخرب"="ماحدٍ تصفي معه
والزم ماعلي الصبي"="طاعته والمذهبي
والصلاة على النبي"="الامور امشمعه
