حرامي ... عزيز نفس ؟؟؟

مساكم الله بالخير:

هاذي سالفة الحرامي :

كنت مسافر و ساكن بشقة مفروشة , وتركت بالمجلس < اللايب توب <img alt src="images/next.gif" border="0" width="6" height="9">
ازي المحمول , وتركت بعض الفلوس - خمسينات وعشرات وخمسات-
وريال واحد , وطلعت من الشقة وتركت الباب فاتح - على قولة الشاعـــر
< يانمر ما في صكة الباب مصلوح <img alt src="images/next.gif" border="0" width="6" height="9">- , كنت احتري واحد من العيال ما معه
مفتاح , كان مشواري ثلث ساعة تقريبا , رجعت لقيت الجهاز مسروق
والفلوس مسروقة , الحرامي سرق الجهاز والفلوس وشامت نفسه عن
الريال , مسوي عزة نفس .
وانا ما همني قيمة الجهاز , همي ان هالحرامي احرمني التواصل مع
اخواني بالمنتدى بشكل مستمر , صرت هالحين زبون لمقاهي الانترنت
والمشكلة الجهاز اللي بالمقهى لوحة المفاتيح اكثر حروفها ممسوحة
صرت اضغط على الحرف على خبري الاول بالحروف , المعذرة اذا كان
فيه اخطاء املائية .
ولو انسرق , والا اروح بآخر الدنيا . انتم اهلي وربعي واخواني . ولله
ما انساكم بس لا تنسوني ,

على قولة الشاعر / جعيثن المفضلي :
ترى اطيب القوم يا ناشد هم ربوعــي .. واللاش لو هو من ادنى الناس
ما اشقابه .

[ALIGN=CENTER]اخي القادم

الله يعطيك العافيه

ومايجي منك الا الزين

ويكفينا تواصلك

وابشر بالخلف

وتقبل تحياتي [/ALIGN]

اخــــــوي / فــــهـــــد الــــعـــــــواد :

تسلم يالغالي , ومكانكم قلبي , ما ابالغ لو اقولك ما اروح للمقهى
الا علشان المضايف , .



اخوك / القادم ........

[ALIGN=CENTER]

اويلللللللللللللي انسرقت يالشمري :(

اخي القادم

كل الشمامره البيبان دوم مشرعه :)

وحنا يما انسرق من تلفزيونات واذكر كان قيمته 10000 الآف ريال سعودي ورسيفرات واشياءكثيره

واذكر مره مبلغ كان 50000 ريال سعودي واتضح بعد ذلك انه احد الخدم الذي ولى هاربا

ومن شاف مصيبة غيره هانت عليه مصيبته |6|

وعندما انظر الى منازل جيراننا :rolleyes:

مافيه الا بيتنا بيت الشمامره اللي مفتوح بابهم :cool:

والباقين والله بمفتاح يدخلون ويطلعون :o

وربما ان الزمن قد تبدل فلابد ان يكون الأنسان حريص جدا

عموما اخي

اشاطرك الأحزان وحاسه فيك والله يكون في عونك

اذا تبي نقط لك ماعندنا مانع ابشر بسعدك

والحمد لله جت على كذا ولا انسرق شي كبير

وتذكر :rolleyes:

اعظم كلمه وابلغ هي ان تقول

حسبنا الله ونعم الوكيل عساه مايتهنا فيه كل امين [/ALIGN]

اختي / الـعـذا :

مشكورة على المشاعر الطيبة تجاهي ,

للمعلومية / أنا ماني شمري , أكيد إنتي حكمتي علي اني شمري
يوم أقول < انتم أهلي و ربعي و إخواني > , أقولها - من باب محبتي
لشمر- , شمر مكانهم بقلبي , وكل اللي عرفت من شمر الواحد يسوى
قبيلة , اقولها مع انهم ما هم بحاجة شهادتي .
واذا دققتي بكلامي الأول تدرين ماني شمري , شوفي آخر بيت لجعيثن
المفضلي :
ترى - اطيب القوم - يا ناشد < هم إربوعي >..
واللاش لو هو من ادنى الناس ما اشقابه .
الطيبين هم ربعي , وانتم معروفين بتقدير الخوي والأجنبي , عندكم يحس
إنه واحد منكم ,
ويوم تقولين حنا يالشمامرة دايم الباب مفتوح , عزالله قول وفعل , وكل الناس
تشهد على هالكلام , اما بالنسبة لجيرانكم , أكيد داخلتهم الحضارة , لان
البدوي بشكل عام بابه مفتوح للضيف ,

أخيرا : حتى لو ماني شمري أدري ما راح ينقص بقدري عندك , وعند
اخواني بالمنتدى .

واقولها مرة ثانية : انتم اهلي وربعي و اخواني

مع تحيات البدوي / الــقـــــــــادم ......

[ALIGN=CENTER]أخوي القادم

سواناً شمري أو منت شمري

أنت واحد منا وفينا وأبشر بالخلف وحنا هنا اخوان

نعين ونعاون وأنت لاتستحى وأنا أخوك حنا هنا نعين القريب والغريب

وأي شئ تبي أبشر بعزك

تقبل تحياتي
أخوك الملهم[/ALIGN]

يانمر مافي صكة الباب مصلوح؟


جديده هذي اخوي :)

الله البادي

ثم

مجد بلادي

نمر بن عدوان

يا هلا و غلا بالـــمــــــلـــــــهـــــــم :

مشكور كل الشكر على الترحيب وأنا أخوك , وأتشرف بخوتكم يالغالي
- تقول - لاتستحي . ماهو حيا يالغالي , أبشرك الخير واجد , والله يكثر
خيرك , تقول وتطول يالملهم , لكن يوم إنسرق الجهاز حبيت أبلغكم
انا قبل متواجد دايم وهالحين بشكل يومي عن طريق المقاهي .
وماقصدي شي والله . عموما ما قصرت يالملهم , ردك أثلج صدري
واقولها مرة ثانية الله يكثر خيرك ,

هلا بالشيخ / نـــمـر بن عدوان


[FONT=Arial Black]البيت اللي يقول [/FONT]( يا نمر مافي صكة الباب مصلوح )
ماهو جديد , وبعدين انا قلت - على قولة الشاعر -


الابيات اذا ماني واهم لمحمد بن شلاح :

يا نمر ما في صكة الباب مصلوح .. ومهي لأهلنا يا مضنة فـــــــوادي.
امل الوجار وخلو الباب مفتــــوح .. خوف المسير يستحي ما ينادي .