حلو منظره يوم يتهزع مع الريضان
[poet font="Arial,5,sandybrown,normal,normal" bkcolor="transparent" bkimage="backgrounds/15.gif" border="outset,1,darkred" type=0 line=200% align=center use=ex length=0 char="" num="0,black" filter=""]
ألا يانديبي قم على منوة الولهان =سفاري يوصّل هايم النفس مطلوبه =
ضمان الوكاله مادخل ساحة الميزان =ولا بيّنت سحقية القار بتيوبه =
ولا ساقها الجاهل ولاطقّها الدهّان =ولا دخّله عند المحرج وقالوابه =
يهقوي غريم الصيد بإطلابة الغزلان =بقاع عقب رش المطر ماهو بمطبوبه =
إليا هبّ ذعذاعه مثل ريحة الريحان =عقب وادي ملّ الخباري وجرجوبه =
تشوف الخزامى والنفل والصفار ألوان =ضفا نبته الضافي على العرق وخبوبه =
حلو منظره يوم يتهزّع مع الريضان =تهزّع بنت طالعت زول محبوبة =
يلو هي بكيفي كان مايركبه كوبان =لأخليه يآطى حامي القار بكعوبه =
أحرمه من التايوت والجمس والنيسان =ومن صمّ الرمك واللي من الجيش منجوبه =
لا شكّ كل في حلاله مثل ماكان =وعسى الله يعزّ اللي حمى الدار وشعوبه =
وتوكّل على الله يانديبي خذ القيفان =وترى عادة الرجال يآمن بمندوبه =
مار الموتر البطران يصلح مع البطران =عوينك إليا من السنه صككت جوبه =
وأنا أبقصر التوصيف أخاف أزعج الديوان =ماقّل دلّ وزبدة الهرج مجيوبه =
ياجيت أبو نواف مرضي رفيع الشان =صديق الضعوف كان الأصداف باروبه =
خذا الطيب من ربع نهار اللقاء عيّان =أليا هاجت الهيجاء وعليا تناخوبه =
عقب ماجرى كل سمع قصة الشلقان =وجيبة مجيدع كل أهل نجد دريوبه =
سلامي عليه عداد ماناض برق وبان =وعدد طلعة البيضاء على الناس بغيوبه =
وقله علامك تشتكي من زمان الآن =عسى الله يفكك من بلاويه وذنوبه =
بدى الطيب والناموس يقضي مع الشيبان =وقضت جيرة الجيران معهم وقفّوبه =
سبايب شباب خالفوا سيرة الجدان =تقلّد ديار الغرب باللبس وإسلوبه =
ولاتعرف الصاحي ولاتعرف الوجعان =تخالط مع العافي مريضه ومجروبه =
يجيك الوغد يآكل حبوب ومعه دخان =بليد مريد ماكسى عورته ثوبه =
ينام النهار ويسهر الليل بالشعبان =يقضي حياته بين فاقه وغيبوبه =
معه بويه يصبح يكتب على الجدران =يخرب على جدران الأجواد بكتوبه =
يعيش النصر وإلا يعيش أحمد الشنان =ولا حس بالسمعة مع الناس دنّوبه =
وتلقى الأبو مديون مايوفي الديّان =ويشري له الموتر على أمره ومحسوبه =
يفحط ويلعب به ولا حسّب الخسران =إذا ماصدم خلاه بالقار مقلوبه =
ولكن نجنّب جرّة الشك والعدوان =وتر النار ماتآكل سوى طاير الذوبه =
ولقيت الشرف ياأبو عجايب مع البدوان =على طيبة الماضي وسلمه ومسحوبه =
أهل دلة صفراء وأهل منسف مليان =إليا جاء المسيّر رحبوا به وهلّوبه =
على غير شىء بالردى يزحم الحضران =ولكن بعضهم صكّة الباب عذروبه =
إليا جيت عند البيت لك حاجة بفلان =وناديت وقالولك من ورى الباب ماهوبه =
إليا ضعت فكّر في قصر مارد السلطان =عقب عزّه أقفى وأجلد القصر بالجوبه =
وهيهات وين اللي بعد شيّدوا برزان =وتعطّر بطيب الحكم من طيبهم طوبة =
وصلّو على الهادي محمد نسل عدنان =شفيع البشر في مأقف ترجي التوبه
الشاعر
فرحان بن فهيد الذرفي الشمري
[/poet]
