قصة قديمه تتعلق بالتتن

هذا واحد بالزمان السابق خلص عنه التتن ونهج يهيم على وجهه غديه يلقى أحد عنده تتن ويوم طلع من فوق أكالنازية يمار أكا العرب شارينن بيتهم يبون يبنونه والله وهو ينصاهم يمار النسوان يبن يبنن بيتهن وشايب متبرزن هناك عنهن مرتكي على له حلس نهج يم الشايب ويوم جاه سلم عليه وقعد عنده صوت الشايب للنسوان عطننا لبن وتمر جابن اللبن والتمر قال الشايب للرجال سم الله يحييك قال الرجال للشايب أنا دوار تتن تعذر منه الشايب وعلمه انه ماهو شراب والله وهو يفطن عليه ان حدى النسوان اوجعه ضرسه نوبت من النوبات ومرهم شراب وخذوا منه له شوين وصارينه عندهم صوت الشايب لام العيال قال أعطينا المصر اللي عندك نهجت وجابته بنت الحلال واعطته الشايب وهو يعطيه الرجال يمار ماهو شين والله وهو يحطه بالسبيل ويفت عليه دمنت بعير محيله علشان يكثره شوين وهو يشب به وهو يمكه يوم مكه ياخوي الظاهر انه فقد وعيه والله وهو يشيل الشويب فوق فوق وهو يطلقه على اللبن والتمر والله وهو يقمز الشويب وهو ينحاش وهو يستابطه الرجال راع التتن وهو يسنه وهو يسنه مع أكا الفلق وهو يحدره مع أكا القعر والشايب يركض طايرتن فرايش عقله من هالبليه اللي ينجشه والله خذا هناك وهو يترك الشايب وينكس وياخذ نعوله (اعزكم الله) وماهن شافنه النسوان أقبل يمهن قالن وخذنا جانا والله اللي عمل بها الشايب هاللون الا يذبحنا لكنه خذا غرضانه ونسفهن باليسرى وسند له فلق (وهذا كله يدل على ان الشواريب اول يعيمون على التتن ويقطعون المسافات في سبيل الحصول عليه)

الله يعطيك العافيه

على هذه القصه


تسلم والله

جعل ربي يكفينا ويكفيكم شر التتن....

المريشال

والله تفدغت تسبدي من الضحك على هالسالفه

به من الطرافة الكثير

والله الشايب المسكين اللي كلاه

لا هنت يالغالي

والتتن مهي غريبه

ما تشوف الفريس الاولين ليامنه مز السبيل له كم مزه وحرفه على القوم

يقولون انوه يشوفهم قدامه تقول ذبان

كلوه من هالملوي

الظاهر ان بوه بلا:D



.

اشكرك يا اليم على تعليقك على هذه القصة