-
اخواني الاعظاء
واخواني الزوار
بعد التحية
تلبية لطلب العضو طارق وكذلك الاخت فوفو وكذلك الاخوان الشقاوي والاديب
في دعوة الشاعر الكبير / فيصل اللويش للدخول في الشبكة وبما انكم اقحمتموني بالموضوع
فلقد قمت بدعوته باسمكم واسم شبكة شمر وقد وعدني بالدخول ان شاء الله في الوقت القريب ان امكنه ذلك
وقد حملني هذه القصيدة كهديه متواضعه للجميع ( وخاصة الاخ طارق الذي قال تكفووووون فيصل ) مع ملاحظة ان هناك قصيدة سابقة له في المظايف تبها الاخ / ابو فارس وهي تحمل اسم " حنا الطنايا "
اما قصيدته هذه
فهي " ذيب ومره "
**
ليه الوم الوقت واللي ثور البندق يدي
****** وليه الوم الليل وعيوني هي اللي تسهره
داخلي ذيب ان عوى يهتز له كل جسدي
****** ذيب فضحني في قنيبه كل ماجيت اذكره
هو غالي والجرح ذيب لاتذكرت يعدي
****** باقصى الحنايا خابره واحس فيه واشعره
وان جيت ابقضب ذيب جرحك بالمعاليق يغدي
****** ملعون ابو جرح ذبح رجال والسبه مره
وشلون تطلبني اطفي جمرة في موقدي
****** واصغر جروحك ماقويه كيف ابقوى لا كبره
والله ماخانت عروقي جلدها ولا ني ردي
****** والعاقل اللي مايجيب اقصاه واقصاه اقشره
لرضاك والله ماذخرت العذر واتعبت جهدي
****** وان ذقت مر الحب قلت الله مااحلى ...سكره
كنت احسبك نجمة لو ضعت انا فيك اهتدي
****** واثرك خوي لو اصد شوي طلع خنجره
اذكر خفوقي قبل اعرفك كان قفر جرهدي
****** ماحلى عصافير تغردبه ويازين شجره
كن صوت الريح لاهبت نسايمه يحدي
****** ويجاوبه صوت الحفيف من الغصون المزهره
والحين شفني ناحل من ضيم حبك ياسهدي
****** اوراق مره يلمها الذري ومره ينثره
شفني وتخير وش تبي وش فيه ودك تبتدي
****** قدام عينك غصن عراه اليباس من ثمره
قفر بقى به وش بقى به وش بقى ياسيدي
****** ماظل به غير النحول اللي ثيابه تستره
ياعزوتي لاهو بطالب ثار ولا وده ودي
****** مابين فرقاه ووصاله ياخلف بس شعره
ان غاب عني تعلقت بسهيل عيني والجدي
****** وافقده ولا منه حضر ودي يغيب وانطره
ياعزوتي اقدر اقاسي جرح فرقاه وحدي
****** بس المصيبه شي في قلبي تعاجزت اقهره
ياعزوتي ماهي المصيبه الصبر والله ياسندي
****** الصبر كل ماحافني يلقى بي رم يكسره
تدري
تدري
تدري
تدري المصيبه ياخلف ياخوك وش هي يابعدي
****** ترى المصيبه لا انكسر رجال والسبه مره
** تمت ** صح لسان الشاعر الكبير / فيصل اللويش
في الختام
تقبلوا تحيااات اخوووك الصغيررر
بشير اللويش
-
يا هلا .. بأخي / فيصل
مشتاقين لطلته علينا ...
شاكرين له تلبيه الدعوه ..لمضايفه
ولك خالص شكري /بشير .. على ذلك
-
كفو والله يا بعدي
اخوي بشير الف شكر وشكر خااااااااااص جدا للرائع استاذي واستاذ الشعر ( فيصل اللويش ) على هذه الرائعه
واقول لك يا فيصل شكرا على شعرك ولطفك وتقديرك لشخصي المتواضع
ودى اقول رائعه بس ما يكفي .... ودى اقول مدرى وش اقول
صح لسانك واتمني ان تكون فاتحة خير على المنتدى
وابي اقول لك شي ان قمة الشعر مدببه وانت تستحق ان تتربع على القمه
والف الف شكرا على تقديرك لشخصى المتواضع
-
الأخ/بشير اللويش
الله يمسيك بالخير
والشهر بعد الزحمه مبارك
جوهرة ثمينة
من العيار الثقيل
اسقطتهاعلى
هالشبكة وعزالله
انه عوايدك وتقول وتطول
تسلم ويسلم الشاعر
قمة الموسيقىاللفظية
تجمعت في هذه القصيدة
انغامهاتطرب المتذوق
وتدغدغ حناجر السهارى لترديدها
واجهت بين ظن المحب وخيبته في المحبوب
كنت احسبك نجمة لو ضعت انا فيك اهتدي
****** واثرك خوي لو اصد شوي طلع خنجره
ولكي
لايحدث
الإنكار
في زمن
الإنكار
لابد من فزعة خلف يابعدي.
اخيرا
تسلم يابشير
وصح لسان الشاعر
وتقبل تحيات
اخوك/ابو يزيد
-
مشكوووووووور اخونا الصغير بشير...
انا قلت مايجيبه الاارجاله:D
والصراحه القصيده في قمه الروعه ....والله مالومك ياطارق....
داخلي ذيب ان عوى يهتز له كل جسدي
****** ذيب فضحني في قنيبه كل ماجيت اذكره
هو غالي والجرح ذيب لاتذكرت يعدي
****** باقصى الحنايا خابره واحس فيه واشعره
وان جيت ابقضب ذيب جرحك بالمعاليق يغدي
****** ملعون ابو جرح ذبح رجال والسبه مره
وش اقدر اقووووول بعد الكلام هذا؟؟؟؟؟؟r
مااقول الا صح لسانك اخوي فيصل
وتسلم اخوي بشير على نقلك لنا لهذه الابداعات
ملاحظه==>العائله الكريمه ماشاء الله كلهم شعراء:D
-
وان جيت ابقضب ذيب جرحك بالمعاليق يغدي
****** ملعون ابو جرح ذبح رجال والسبه مره
ياسلام
روعة القصييدة يابشير
يسلم القايل واللى نقلها
تكفى يا بشير لا تخليه يبطي علينا
حظ عليه يالغالي لاتعطيه فرصة
هذا مكسب لنا ولشبكة
-
صح لسان قايلها وصح لسان ناقلها وحنا اكيد اننا طمعانين بالكثير فلا تبخل علينا الله يحييك .....
-
القصيدة من القول الغزير والأسلوب الجزيل
تسلم يا قايل القصيدة
والأخ بشير يسلم والله الطيب ما يجي منه الا الطيب
لك الحب كما تحب
اخوكم
-
المشرف
شكرا على تعقيبك ولم اقم الا بالواجب
طارق
شكرا لتعقيبك ونتمنى تواصلك
صحيح من شان عين تكرم مدينه
ابو يزيد
مساك الله بالخير
واعذرني على التاخير في الرد
ومن سوء حظي ان الجوال مقفول عند اتصالك لان دايم الحظ ردي مالي نصيب بالطيبين مثلك وشرواك لكن ارجو ان تتصل مره اخرى
وانا لم اقم الا بالواجب
ولاتشكرني على شي .
اختي فوفو
شكرا لرد الطيب
والخير من القصيد جاي ان شاء الله
براك الفريسي
شكرا لردك الطيب
وان شاء الله ولد العم جاي بالطريق
ابشر يالغالي
السمن العرابي
شكرا لك وابشر بالخير يالطيب
ابو خالد الجربا
شكرا لردك وماعليك زود
بيض الله وجوه الجميع
تقبلوا تحياات اخوووكم الصغيررر
بشير اللويش
-
