مستهـدفينٍ دارنـا مـن صميمـــــــه=لا شك حنـا دونهـا ستــر و حجـــــــاب
[poet font="Simplified Arabic,5,white,normal,normal" bkcolor="transparent" bkimage="backgrounds/15.gif" border="outset,4,red" type=0 line=200% align=center use=ex length=0 char="" num="0,black" filter=" dropshadow(color=gray,offx=4,offy=4)"]
بسم الله الرحمن الرحيم
يالله يا محـــيي العظــــام الرميمــه=يا خـــالق آدم و حوى من تــــــــــراب
تفكنا شــــر الشــــرور العظيمـــه=و تفكنـــا من شر سيــات الاسبــــــــاب
مزنٍ نشا اسـود من الليل غيمــــــه=مزنه مخيـــــف و بــارقه تقل شبــــاب
صوت الرعد مثل الزلازل حطيمه=سيلــــه حقـوق ولا بقا لارضه تـــراب
البرق يــبرق و الصــواقع مقيمـــه=قضـــت على باقي شجرها و الاعشاب
تطحن زحــازيح الرجـال الشهيمـه=و لا عاد له عنا طــريق و مجنـــــــاب
يا مـا كلت من راس شيـخ صكيمـه=صـارت ضحـــاياها طويلين الاشنــاب
تطحن ولحـدٍ عــارف من خصيمه=و لا هي تفــــرق بين شــايب ولا شاب
تطحن ولكن معظــم الناس نيمــــه=يا من يصحـي خــايب الفكـر يا خـــاب
تيقضوا يا اهل العقــــول السلــيمـه=قبل ركون الســاس تبــــلا و تنصـــاب
مزنٍ من المنشــا تفافـــــا رديمــــه=مستهدفٍ سيلــه مداهيــل الاعــــــراب
هذي فعـــوله مـن سنيـــــن قديمــه=ينشي و يظهـر له معاصيــــر و تـراب
متشــاركٍ بالشــر عجـــه و غيمــه=له من هل الملــه عــــصابات و اذنـاب
احدٍ يقـدم لـه عــلـوم ذميمـــــــــــه=و احدٍ يقدم له من المـــــال ما طـــــاب
والكـل منهـم مشتــرك بالجريمــــه=يقودهم للشــــر طاغــوت الاحـــــزاب
مستهـدفينٍ دارنـا مـن صميمـــــــه=لا شك حنـا دونهـا ستــر و حجـــــــاب
نعـد له نــار تلظــى جحــيمـــــــــه=تحيته منـــا سكـاكـين و حــــــــــــراب
نقـدم عــليه و نجبــره بالهزيمـــــه=نضربه ضرب السيف في رق الارقاب
انكبـد المجــرم خســاير جسيمـــــه=نطرده طرد المنهـــزم عـقب ما خــاب
يا سامـعٍ صــرخة نداي و نديمــــه=لبــــوا ندانا يا عــريبين الانســـــــــاب
نادا المنادي للجهــاد و نعيمــــــــه=يا اللي لكم في راية العـز مقضـــــــاب
يا اللي لــكم بالعـز نخوة و شيمـــه=و تاريخكم بالفعــل مكتــوب بكتــــــاب
وين الرجال اهل العقـــول الحكيمه=وين الرجـــال اللي يفكـون الانشـــــاب
وين الذي تحمي محـارم حريمــــه=حريمكــــم ما بين ســـــارق و نهــــاب
اطفالكــم تذبــح بليا جريمـــــــــــه=و شيابكم تقتـــل بلا ذنـب و اسبــــــاب
في ساعـــة فيها العـــواقب وخيمـه=اتهان شيبة شيخكـــــم عقب ما شــــاب
وش عذرنا عند الاطفــال اليتيمـــه=و صرخـاتهم تدوي بويـلات و عـــتاب
اطفالنا تصـرخ بحـامي حميمــــــه=و حنا نشاهـدهـم ورا ذروة البـــاب
يا حيف يا عيباه من كبر ضيمـــــه=وش عـذرنا عند الـولي رب الاربـــاب
وش نقدم للولــــي من غــنيمـــــــه=يوم القيــامــه يخزي الله من خــــــــاب
ذمــوا عـــــــقيدة ديننـا المستقيمــه=و حطـوا رجـال الدين مأوى للارهـاب
وش يحتــرون اهل العقول الفهيمه=حتى رســـــول الله حطــــوه كــــــذاب
خلاص ما فيها حيـــــاة كريمــــــه=موت بعــز ولا مـــذلات الاجنــــــــاب
شــــدوا من الهمة و شدوا العزيمـه=هموا و رزق الخلـق من عـند وهــــاب
مذكــــور في مر العصور القديمه=ما يضيـع حـق دام للحـق طــــــــــلاب
ابو باسل الشمري
[/poet]
ذيب2002
