-
هذه القصيدة ياشباب مجاراة لقافية القاضي التي شاركت بها في منتدى أو موقع المستشار
اللي سبا عقلي من الناس رعبوب
وقلبي من اللي ينزع الروح ماطاب
ماقوى العزى عن سيد البيض وأتوب
اللي رمى من ساهر الليل منصـــاب
البارحة كني عن الناس محجـــوب
عفت الديار وعفت مجـــلاس الأصحـاب
ياليت ياصلني ولو نصف مكتـــوب
وأرتاح من همٍٍذبحني ونـا شــــاب
دمعي على الخدين يازين مسكـوب
وإنت السبب باللي على الخد سكـاب
عيني تهـــل الدمع ياعز محبوب
ماينفعه من عقبكـــم طب الأطبـــاب
-
بندر سهيل الشمالي
الله لايهينك على هالقصيده
ماشاء الله رائعه جدا
ونحن هنا نفتخر بك كعضو
صح لسانك
-
صح لسانك
تسلم يابندر
قصيده مجاراة جدا رائعه
تدري اني حضيض
لاني كل ماقريت لك قصيده كانك عندي
عسى ماتطول غيبة الطيبين اللي مثلك وشرواك
الى الامااام دائما
تقبل تحيااات اخوووك الصغيرر
بشر اللويش
