ناسٍ دلال سيوفهم عرضة العيد ## وحنا ندللها نهار العوايد للشاعر // احمد الفهد العريفي
هذه القصيدة بعنوان """" القلايد"""
اتمنى ان تنال اعجاب الجميع
العذر من دار الرجال الصناديد
يوم اختلف وعد اليال الشدايد
تصدق مواعيد وتكذب مواعيد
والشوق عندي يشهد الله زايد
دايم ركابي صادرات ومواريد
ودايم وحنا والليالي طرايد
إلى حدرنا روعتنا بتسنيد
واقفيت عن شم الجبال الفرايد
ماتقل انا من ربع خدام ورشيد (1)
كني غريب يم مرباه عايد
من غربتي شيبت روس الاواليد
وعلمت مفجوع الحمام القصايد
عفت المراضع في رجا حلوة الديد
أمي ولو حنّت علي الولايد
لي دار - يالافي - من الحيد للحيد (2)
ولي عزوةٍ مابه قريب ونايـــــــــد
حجلان نطّاحة خشوم البواريد
مركاضنا, لاخيّم الموت كايد
ناسٍ دلال سيوفهم عرضة العيد
وحنا ند لّلها نهار العوايـــــــــد
بقلوبنا عيدٍ , وباقدامنا قيد
ومن عين واحدنا تشبّ الوقايد
وحنا حجاب الحمر والسمر والغيد
وحنا الطنايا , لابكن الخرايـــــــد
يادار مافيها علينا مناقيد
كان العروس انتي , فحنا القلايد
---------------------------------------
خدام / هو خدام الفايز من الحجلان
رشيد / هو الباشا رشيد بن ليلى جد الشاعر لأبيه
لافي / هو لافي بن شبّاب الشريّطي
تحياتي للجميع
ابوديمه
