رحــــــــــــلة...صيــــــــــــــد.....!
[poet font="Simplified Arabic,16,orangered,bold ,italic" bkcolor="" bkimage="" border="double,0,white" type=0 line=200% align=center use=sp char="" num="0,black"]
شاقني بحر القوافي وغرّد طيور القصيد=
وعطفت نوق المعاني درّها سكر حلاه
شفت أنا ظبي الفيافي جافلٍ عني بعيد=
روعها ما حموها كلهم يطرد هواه
ياعنود الصيد وقف لك أمانٍ ما أحيد=
من يبوق الله يبوقه ومن صدق ربي رعاه
في سلوم الصيد حكمه التسرع مايفيد=
والوفا طبع السنافي والوغد يرجع وراه
لدت بنظره وقالت وشتبيبي ياعنيد=
إلزم حدودك وقف غيرك أشطر ماقواه
ياكحيل العين خبر كحل عينك هوجديد=
صنعة المخلوق وإلا حكمة الله في بهاه
سلهمت بعيون حورٍورمشها رمح الحديد=
وصوبت للقلب نظره هي بلاه وهي دواه
ثم تهادت في خطاهامثلها والله فريد=
كنهاتاطى بكبدي ياحلو وطي إقدماه
قربت مني وأنا اللي في نظر ربعي شديد=
فارسٍ ماينتواجه صرت صيده للمهاه
إنتخيت وقمت أهلّي عيدنا والله سعيد=
ياحلاة الموت بيدك ياحلاته ياحلاه
[/poet]
