عرض للطباعة
مرحبا
لوتكرمتوا بغيت اسألكم عن بيتين منو اللي قالهن ولمنو قالهن
اذا ماعنكم مانع
بليييز
ياخليف انا منصور كان الدهر مال وانا وراي حماة سلمى واجاها
ماهي حميا والمرتعد وابن هذال (مايحضرني الشطر ذا)
اعتقد انها قيلت بحصار الجوف اذا ماني غلطان
ومشكوووووريــــــــن
هلا وغلا
وقائل تلك الابيات كان ماني متوهم هو حمود عبيد الرشيد
واظن البيت الثاني من غير واو يعني ماهي حميا المرتعد وابن هذال
وأنا ابي اتأكد والربع بهم بركه
تحياتي لك
اخي العزيز
قال هذه القصيده هو ابن مويشير راعي الجوف وينخى ابن رشيد ولي عوده ثانيه اكمل لك بعض ابيات القصيده حيث انني ردايت على عجاله
تقبل تحياتي
الاخ العزيز العرادي
السلام عليكم ورحمه الله وبركاته
قال البيتين هو ( ابن مويشير )
وقالهم (وهو يسندها على خليف ابن حطاب عندم طلب منه تسليم سكاكا الى ابن شعلان )
هذه الابيات قيلت عندم قام نواف ابن شعلان ونزل الجوف وكان ابن مويشير معين من قبل ابن رشيد اميرا على سكاكا وعندم دخل ابن شعلان الجوف ومعه ابو تايه ومعه الحوازم وطلب من ابن مويشير ان يسلم الجوف فقال خليف ابن سراح خليف التالي وليس الاول سلم يا ابن موشير الجميع استسلم قال ابن مويشير لن استسلم وقال هذه القصيده
ياخليف انا منصور كان الدهر مال **** وانا وراي حمات سلمى واجاها
ماتشوف حمي المرتعد وابن هذال **** حتى الفقير شهاب طقه بلاها
واقصيده اطول من ذلك
عند ذلك طلع سعود من حائل متجهاً الى الجوف وطلب من الامير عبدالله ابن طلال بتفزيع شمر وهو اتجه الى سكاكا وقالو له انتظر حتى تاتي الفزوع وقال لن انتظر سوف اذهب الى ابن مويشير اما ان احي معه او اموت معه وفعلاً جت الفزوع من جميع افخاذ شمر اتى ابن طواله من الكويت وهو زعلان على ابن رشيد وكذلك اتي الجرباء من العراق وشمر من كل اجزاء الجزيره العربيه وكتب الله النصر الىشمر ونكسر ابن شعلان ومن سانده من اهل الشمال في تلك المعركه
[poet font="Simplified Arabic,14,black,bold ,italic" bkcolor="" bkimage="http://www.shammar.org/vb//backgrounds/34.gif" border="double,4,gray" type=2 line=200% align=center use=sp char="" num="0,black"]
قصيد العوني ينخ شيوخ شمر
راكب فوق حر يذعره ظله
مثل طيرٍ كفخ من كف قضابه
ماحلافزته والخرج زاهٍ له
والميارك على متنه تثنىبه
من سكاكا ترحل وأترك الذله
واحذر الخوف هاجوسك تهنى به
سر لشمر وخبر لابتي كله
لابتي بالملاقا حي من لابه
قل الوادي أبوعافت بعد قله
يانهارٍ على الجوبه تحلابه
الدخن فوقنا كن الدجى ظله
والرويلي وأبن شعلان وأقرابه
دريوا أنا قليل وأدركو خله
وأرتكينا بعون الله وحجابه
مانعرف الضحى من كثر خلق الله
وين شمر هل العادات والجابه
وين مطني وعباس وربعٍ له
ويها كربةٍ لوان لها لابه
وين هابس وبرجس هم وربع له
وين عبده الى ماحل ضبضابه
وأنخ راعي المليحا لاتساهل له
وأنخ شمر وأعط الصوت يدرى به
وأنخ فهران أخو رفعه ورمحٍ له
لاألتقى بالملاقا كف قضابه
وأنخ ضاري والأسلم قل تجي كله
وأخو صلفه الى منه كلح نابه
وأنخ أخو شاهةالمنصور وأفطن له
وأنخ مطلق مع التومان بالجابه
وأنخ سنجار وقاسم ساتر الخله
وأنخ غضبان أبو علوش وأقرابه
وأنخ عدوان أبو ممدوح وربع(ن)له
يرفع الصوت للفلجان بالجابه
وأنخ فهاد وبايق هم وربع له
وأنخ شيبان شمر وأنخ اشبابه
وأنخ مياح وأهل الدين والمله
وأنخ الاخوان عز الدين واحجاجه
[/poet]
مشكووووريـــــــن ويعطيكم الف عافيه
ماقصرتوا
اخي العزيز
العرادي
لقد سألت عن تاريخ
وأنبأك استاذنا ابوعتيق
فشكرا للجميع
تشرفنا بود الانقياء امثالكم
تقبلوا تحيات اخوكم الصغير
الراسي
الله لا يهينكم
وعز الله ما قصر من سأل ولا قصر من اجاب
مشكورين جميع
وتقبلو فائق تحياتي