يابنت الحلال انطمي واسكتي
فصل الشتاء.. هذا الفصل الذي خسرت بسببه أعز الاصدقاء..و ( والا تدرون؟ دام ان الدعوى خربانه خربانه..خلونا نترك الفصحى على جنب.. الظاهر ماهي ( فيدة) فصحى:) ) كح كح
ايه لا تستغربون اختلفت مع ناس كثير والى الحين اختلف وأباختلف ..
كل من سألته قال: ياحبي للشتاء..الشتاء هو الوناسه.. الشتاء أرحم
من الصيف..الشتاء والشتاء... !! كح كحححح
أما رأيي فهو عكسهم بالضبط.. اذا جاء الشتاء( تقوقعت)<-- وينك ياسيبويه تجي تشوف خليفتك؟ :)
الا على طاري سيبويه.. تهقونه كان يكره البرد مثلي والا كان يحب
الشتاء مثل اللي ماينتسموون ؟! :) كحححححح
قبل كم يوم قرروا خوياي..( قصدي اللي كانوا خوياي ).. قرروا إنهم يخيمون بالبر..
قلت : تروني ماني رايح معكم :o لكن لانهم كانوا ماسكيني بحق اضطريت اني اروح معهم(( يعلّه ماعادة - الاّ بصيف :) - )).. ولأني ذهين وفطين وعبقري وما مثلي أحد رحت للسوق قبله بيوم واشتريت أنواع البجامات والاكوات
والبوالط مادري بالطوات ( هي وشلون تنكتب:) ).. وقرّرت اني
أخذ معي ( البشت) <-- هذا اللي مضيّعك :D
وبينما أنا ناسف(ن) بشتي على ذراعي..فإذا بنفسي تنط بحلقي وتقول:
يارجّال انت طالع تبي تطامر وتستانس والا تبي تشخّص كنّك بحفل استقبال ;)
واذا بي اقول لنفسي: ( يابنت الحلال انطمي واسكتي ما دهورن الا انتي وأفكارتس ) :)
كح كح كحححح
المهم قررت اني اخذ هالبشت ولولا الله ثم هالبشت تسان ذابحن البرد لكن الله الهمن، وعلى قولة المثل : ( الشئ لُهمـه) :D
والحمدلله ان اكبر ماجاني الزكمه والكحه :) كح كح كح
وها أنا ذا أعلن وأحذّر كل من تسوّل له نفسه انه يمدح الشتاء ويسب الصيف بأنني سوف أزعل عليه وأنسم كفرات سيارته !!
<------ لا ياشيخ :D
ولا راح أرضى على كل اللي انا زعلان(ن) عليهم الا اذا تغيّر رايي بالشتاء وما راح يتغيّر رايي بالشتاء الا اذا صار وزني ( 100 كيلو) وماراح يصير وزني مية كيلو الا اذا قلتوا لي على طريقة يزود به وزني :) لأني ملاحظ ان كل اللي اوزانهم كبيره ما يعرفون شي اسمه برد ولا يدرون انه كان فصل شتاء الا اذا حسّو بحر الصيف قالو: واثرينا كنا بالشّــــتا !!!!!!!!!!!!!!
كح كح كححححححححححححححححححححححححححح
