آآآآآآآآآآآآآآآآآخ يا قلب العنا
^
^
اخس يالفيحاني :D
يالربع والله مدري وش علمي هالليومين
ما ادري انا متضايق او متوازي
الوكاد اني طفشااااااااااان مررررررره
ودي اروح لمريكا واتوطا ببطن بوش اغدي هالطنيه تروح
مار المسيكين وش ذنبه كل طقة ٍ برويسه
او تهقون اخربه وادخل حدى النوادي غديني اطلع لاعب مشهور
ايييييييييه والله ما ادري وش السواة
عساكم سالمين
اهم شئ احرصوا وخوذوا نصيحتي ولا تساهمون بالاتصالات
<< من جرف لعدامه :D
وقسم بالله اني مادري وش علمي
ودي اطلع بالتلفزيون
وودي اصير مشهور وودي اشتري بيت وودي اصير مشرف عام :D
المهم اني ما ادري وش علمي
نوبن اهيجن وارفع الصوت
ونوبن تتكن العبره ودي اصيح
ونوبن اضحك مابي العود
<<< حلولاة من يتسويك بمخيطر :D
فيه شئ محيرن منذو لونق تايم
وش يقال للي ما يقدر يشم يعني ما ينتشي ابد :(
بعض الاحيان اذا قعدت من النوم احس اني ما شبعت نوم وانكس انام :D
<<< الله من البساقه :p
هيه يالدنيا والله ما تسوى شين ابد اللي القذافي ريّس دوله وابو خنافر امين عام الامم المتحده :D
داري اني اخربط بس عاد من حر مابي والله طفشان
تصدقون قبل شوين افكر اني افصل من الوظيفه واخذ لي معيزى وابني بيت شعر واقول باي للشرقيه بس غيرت رأيي خفت ان المضايف تخرب عقبي :D
<<< تكفى :D
ملل وطفش ولا احد يقدر ابد , يا حالة قسقس
هاللحين لو تروح لبنده وتاخذ لك باغة خبز وليا وصلت المحاسب تذكرت انك ناسي الفلوس وقلت لوه سلف قال اسفين ويمعط الخبز من يدك ويشوتك بوووووز
ياخي وين الثقه بين العالم وللا خلاص مامن ثقه
طيب هالريال يبي ينقص الوليد شين !!!!
الواحد ما يدري يلائيها منين وللا منين :D
والله يالواحد انه يبحل بروحه لو بغى يطق لوه VXR حرام ما يلقى اللي يسلفه :D
مشكلتنا هالليومين انعدام الثقه وتحولنا من الشعوب الطيبه الى الشعوب المطينه بستين نيله ( <<< اللي تخلي الغتر زرق :D )
لكن الوكاد انه عيشة وزى
من وصل منكم معي لهالنقطه بالله !!!!!
قالوا تحبه قلت دا كان زمان *** اما دلوئتي ما احبوش خالص :D
سبحان مغير الاحوال قبل كانوا الناس يحطون شينكو علشان ماحد يشوف الدش
وهاللحين الواحد يستحي يقول ان ما عنده الا غصب واحد والرياضيه
وعلى طاري غصب واحد اول كانن الحريم يتغشن اذا طلع غالب كامل
وهاللحين الحريم ما يحتسن الا عن ريكي مارتن وفطومه :D
وعلى طاري غصب واحد بعد :D من شاف منكم تمثلية نوره اللي تعرض هالليومين اكا اللي مغير تنوعر والله يادوره كله بتسى حسبي الله عليه
تهقونه اعدتن :D
لا احد يلومن بس والله انه قافلتن معي بالحيل بالحيل وبغيت اكتب بفيض الخواطر واسوي نفسي بس اسكت , بعدين تذكرت ان اللي يطلع من داره يقل مقداره قلت تفحيط الفاضي بموضوعي يهون ولا شوتته للمحذوفات :D
على طاري المحذوفات احد منكم يعرف الرما :D
اذا صفى لك زمانك عل ياضامي
وش معنى عل !!!
هل تعني طرقع :p
داري اني مغير اخبزهن بس والله اني ما لقيت حاجه اخفف من همومي الا هالطريقه وقسم بالله طفش
يالله عن اذنكم باتسر وراي دوام :(
عور يشكي عليلوه عمى <<<هالمثل من اختراعي ولا يمثلن باي شكل من الاشكال اما هو مدري عنو
محارش والله اني الليله بعد مدري وش جانن .
احس انا والله اعلم انه مواري نكبة العمر (على وزن فرصت العمر:confused:)
لاكن انشاء الله اني ابا انجى من هالمعضله بأقل قدرمن الخسائر.
على طاري المدري وش طراه الوكاد اني ماعلمت بروحي الا يوم دق جوالي ويوم نشدونن عن موقعي طقتن البواهه تدرون ليه لاني اكتشفت اني على طريق الصناعيه اكيد انكم تبون تهولون وتقولون وش به عاداقولكم ان عذري لنفسي اكا الحزه اني اتمشى على طريق الشرقيه (يعني للي مافهموا انه ماكن الله خلق لا قصيم ولا رياض وتسن هالقار هذا من حايل ماياقف الا بالشرقيه) <<<<<<<اللي مافهم لها حين يصبخ براسه الجدار اجلينن فاتح مدرسه افهم خلق الله
من بداية السطر هذا ________________________________________________________
________________________________________________________
الى نهاية هذا السطر فترة صمت ياليتكم تقيدون به بالله
الوكاد ان براسي حاجه مدري وش اعبر عنه مار انا مدري وشي علشان افهمه وعقب اعبر عنه
الا على طاري التعبير اذكر بيوم من ايام المدرسه بسادس ابتدائي بحصة التعبير كان مدرسنا الله يذكره بالخير مصري عطانا موضوع علشان نعبر عنه وكان الموضوع كمبلكس (muakd) شوي وانا الحين مدري وشو بس اذكر اني من جنب القده يعني ماراح اكتب شي لاني ما انا فاهمه الوكاد انه جا عندي وقال ليه ماتكتبش يابني قلت له والله يا استاد وركزوا على حرف الداء ماني فاهم الموضوع علشان اكتب عنه الوكاد انه رفع بي ترفيع اكا اليوم ماحصل لاني ماكتب شي الا وانا فاهمه واللي مافهمه مااكتبه لدرجة انه حطن عريف على الطلاب وهو انتهز هذي الفرصه وزبن غرفة المدرسين وانا من زود الوناسه سجلت اسامي اعز رفقاي بالفصل <<<مالي خوي ابد حتى خوياي سجلتهم مشاغبين ولاكن المشكله ماهي هنا المشكله بالطلعه كل الفصل اكا اليوم ضربونن لان المدرس جلدهم وحتى انا معهم تدرون وليه لاني كتبت باخر الورقه مع تحيات العريف و اسمي وانا هاللغز محيرن من اكا المته(مت يمت متيت الولد اذا دبغته وهنا اتت على وزن <الدبغه> انتهى) نرجع للغز ليه الاستاد ماعرفن انا العريف وبعد ذالك بمده فسرت تفسير مقارب ولاكن ماهو منطقي لاحظت ان المدرس ناسي نظارته بغرفة المدرسين لاكن اللي مهولن وشلون قرى الورقه ولا قدر يميز وجهي ادري انكم مافهمتوا السالفه مثل ماهي براسي لاكن انا فاهمه ويكفي .
هلوسه هالكلمه بالذات عجزت القى له مرادف ماستنتجت منه الا انه تبدى بهاء وتنتهي بهاء
انا هالحين مستانس تدرون وش علمي مستانس
انا شخصيا مدري لاكن راح اعرف بيوم من الايام
تصدقون اني طولت
ابا اختصر _________و.....لا لو اقوم اسردهن عليكم من هنا ليا باتسر مايقضن
نصيحه يالربع اللي يحس نفسه متضايق يقضب الكيبورد ويكتب بس اكتب ومهو لازم انك تنشر كتابتك اكتب وامح كتابتك بس اكتب .
تصدقون اني فقد ميزه مهمه انا اكتب هالحين حاجاه ماني فاهمهن (بعذري من اكا الثنين والعشرين طالب اللي دبغونن)
الوكاد الله يجزاك خير يامحارش فتحت لنا المجال نعبر عن دبلة تسبودنا
اعذروني طولت بالحيل بس الحاله السايكيولوجيه او بالعربي النفسيه اللي انا به تحتم على كذا
ماراح اودعكم
