قصائد أمراء آل رشيد(7): ألفية الأمير ضاري الفهيد الرشيد...نادرة جداً جداً
قصائد أمراء آل رشيد(7): ألفية الأمير ضاري الفهيد العبيد الرشيد...نادرة جداً جداً
كنت قد وعدتكم فيما سبق بهذه الألفية وها أنا أفي بوعدي وأنقض عهداً قطعته على نفسي بعدم الكتابة في هذا المنتدى مرة أخرى ولكنه حبي لأبناء عمومتي هو من أعادني وحسبنا الله وكفى بالله نصيراً.
ألفية الأمير ضاري الفهيد العبيد العلي الرشيد...نادرة جداً جداً
هذه القصيدة قالها قالها الأمير ضاري الفهيد الرشيد وهو في الغربة عن وطنه ويظهر فيها وجده وشوقه إلى دياره وأهله وبني عمومته، وهذه الألفية مروبعة الأبيات، وهي من أجود وأندر ما قاله الأمير رحمه الله فلا يكاد يعلم عنها من الأحياء إلا ثلاثة أشخاص، أوردها هنا كما هي في مصدرها (رغم ضياع بعض أبياتها):
[poet font="Simplified Arabic,14,black,bold ,normal" bkcolor="" bkimage="http://www.shammar.org/vb//backgrounds/22.gif" border="double,4,gray" type=0 line=200% align=center use=sp char="" num="0,black"]
ألف أولـف ما طـرى من لـسـاني = قيـلٍ غريب هايـضٍ من مـغـانـي
عسرٍ على خطـو الصبي الهـدانـي = وهو الذي قد يفهـم العـلـم يقـراه
الباء بـديت بذكـر عـلاّم الأسـرار = علاّم ما يخفـى وما قيـل قد صـار
لولا السبب والرجـل تمشي بالأقـدار = وش جابنا لديـار حـوران نـاطـاه
التاء فتختنـا عن جميـع الطـوايـل = مالـوم حظـي والبخت صار مايـل
شفّي مـع اللي يذهبـون القبـايـل = كم خيـرٍ خلّي حذاء الخيـل تـاطـاه
الثاء ثبتّْ و صرت في ديرة الغـرب = يالـذّ شـوف ديارنـا لو بها غلـب
يالربع من طاوي لنا موتـة القلـب = ياليـت منهـو مـا تمهّـل بدنـيـاه
الجيم جينـا لابن عبـاس خصّـاص = يا زين من رصّه على البين رصّـاص
انتم بواليدٍ على الضـد مـفـراص = شمّـر تراهـم هم سنـاده ومـركـاه
الحاء حدانا الدهر عن دارالإسـلام = جينـا الذي أهـله يعبـدون الأصنـام
بأيسر طويل الثلج غربٍ عن الشام = مذاهـبٍ مختـلـطـة مـا عرفـنـاه
الذال مالـذنـا ليـا صار هـوشـه = يوم النشامى تحتـزم في قـشوشـه
كم قـالةٍ نصيـر حنّـا رشـوشـه = يوم الـردي تقصر عن الطول يمنـاه
الراء رادت خاطري نصـر شمّـر = حـريبـهم يـاعـلّ عـزّه يـدمّــر
يالله دار اخـوان نـورة تـعـمّـر = اللي يعـيشـون المحـاويـج بـذراه
الساء سألنـا اللي علينـا وليفيـن = يالربـع ويـن اللي علينـا وليـيـن
اتلى الخبر عنّـالهم وقـم عاميـن = لاجـاء منـه عـلـمٍ ولاخـطٍ أقـراه
الشين شيـنٍ فوق عجلات الأزوال = دارو علا عوص النجايب مع الــلال
مع سهلةٍ عمال ما جاء مع هـذال = مشي العجـل لا تـودعونـه مـراواه
الضاء الضعيف اللي يديه قصـارا = لاواهنـي منهـو على الهجـن سـارا
يسري توالي الليل هو و النهـارا = مع مقـدمٍ يـمّ الحبيّـب تـنـصّــاه
الطاء طرف حـايل بخيرٍ تجونـه = اللي يـريـد العـلـم لاتـقصـرونـه
إلى لفيـت عـويمـرٍ تخبرونـه = لولا الولـه تـراي بنصـاه وارضـاه
العين عـزّيلي تبيـن بي الجـرح = شفّي مع اللي خـلّـو البـدو بالمـرح
لاطقة الغارة على قـودة الصـرح = هذا هـواء قـلبي وهـذاك مـشهـاه
الغين غاب الصوب عنّي و فضيت = نـجـدٍ بدنيـاهـا وزتنـي وفـزّيـت
ياليتني من قبـل تدبيـرها ميـت = عـزّي لمن مثلي جـذت به مطـايـاه
القاف قـفّت من يديـه سريعـه = قـلبي غدى بين السلاطيـن ضيـعـه
نـجـدٍ لاويهـا ولاهـي مطيعـه = نركض وراهـا ومعـطيتنـا مـقفـاه
الكاف كـزّوا لي ردود الخطوطـي = لا يا اخـو نورة مع ردود القـلوطـي
لو كان ما ليّه عليكـم شـروطـي = مـار الرجـل حـقٍ عليه المـوافـاه
اللام لازم سلمـولي عـلى بـوك = وإن جوك ربعي يا عشيـري يسالـوك
مثل الربيط اللي بالأمراس مشبوك = عطهم خبـر ما دبّـر الـرب واجـراه
الميم من اللي على العرش نـزّال = كم واحـدٍ غصنه وقف عقب ما مـال
نصبر وعند الله تدابير الأحـوال = الله يـدبـرنـا على هـداه ورضــاه
النون نيـرانٍ بقـلبي تـشبـي = من يوم فـارقـت الأهـل والمحـبـي
صبرٍ على ما صار واجراه ربـي = وهو الذي تغني الضعـافي عطـايـاه
الهاء هواء نجد إن صفالك هبوبه = لا تـامـن الـدنيـا سريـعٍ قـلوبـه
تودع ديـار اللي عمارٍ خروبـه = من غير شـور النفس تاتي مفـاجـاه
الواو وافقـني زماني دعاويـس = من العام ما استرّيت ساعة ولاقـيـس
بالليل نومي مثل نـوم الأباليـس = عـزّي لمن مثلي جـذت به مطـايـاه
الياء يقول اللي هرج كان هو زلّ = صلّوا عدد ما تطلـع الشمـس والطـلّ
وإلا عدد مـزنٍ مشى ثم يهتـلّ = على الذي شـرايـع الـديـن مـشّـاه
الأمير/ ضاري الفهيد العبيد العلي الرشيد.
[/poet]
تم بحمد الله لــــكاتبه....................ســـلايـــل عـــبــيــد...............
